Pas incidentit të ndodhur të hënën ku dy persona, babë e bijë, u plagosën si pasojë e rrëzimit të një skele nga një pallat në ndërtim, familjarët e tyre kanë njoftuar se do të depozitojnë një padi kundër firmës Arlis. Bledi Shkëmbi, ish-kapiteni I Skënderbeut, njëhërsh bashkëshorti I Imeldës, që mbeti e lënduar, konfirmoi për top Channel se sëbashku me avokatin e tij ka përgatitur dokumentat për të ngrtitur një padi kundër kompanisë Arlis, përfaqësuesit e të cilës kanë neglizhuar totalisht ngjarjen pasi deri në orët e mesditës nuk tentuan të kontaktonin asnjërin prej të plagosurëve për të mësuar mbi gjendjen e tyre shëndetësore. Të dy të plagosurit janë jashtë rrezikut për jetën. 70-vjeçari Hysen Lavdari ndodhet më gjendje stabël por po mbahet nën montorim të vazhdueshëm pasi ka dëmtime të rruazave të qafës dhe plagë në kokë. Ndërsa vajza e tij, Imelda Shkëmbi është në gjendje të mirë shëndetësore. Ndërkohë policia pas veprimeve hetimore arrestoi si fajtor për ngjarjen tre persona. Në pranga përfundoi sipërmarrësi Erjon Kanto, inxhinierin e kompanisë Zef Kalaj si dhe punëtorin Elton Osmanllari. Ata akuzohen për veprën penale të shkeljes së rregullave në punë.Incidenti I ndodhur nuk është një rast I izoluar. Gjatë vitit 2023 u evidentuan 102 raste të tilla nga të cilat u identifikuan 115 autorë të shkeljes së rregullave dhe mbrojtjes në punë por vetëm 35 prej tyre u arrestuan.