Pasi përfundoi turneun e saj evropian, Taylor Swift theu heshtjen për sulmin e planifikuar terrorist në Vjenë në një nga shfaqjet e saj live. Këngëtarja ka lënë një mesazh të gjatë në Instagram dhe ka shpjeguar arsyet pse ka heshtur gjatë gjithë kësaj kohe, ndërsa ka shprehur edhe ndjenjat e saj për turmën e njerëzve që do të rrezikoheshin në koncertin e saj. Pasi shprehu fillimisht mirënjohjen e saj për publikun në vendet evropiane dhe bashkëpunëtorët , ajo shkroi: “Dalja në skenë në Londër ishte një slitë emocionesh”. “U ndjeva fajtore”, vijoi ajo duke iu referuar tre koncerteve të anuluara, duke shkruar se shqetësimi i saj i parë ishte vazhdimi i sigurt i turneut të Eras në Evropë. “Anulimi i koncerteve tona në Vjenë ishte shkatërrues. Arsyeja e anulimeve më mbushi me një ndjenjë të re frike dhe faji të pamasë, sepse shumë njerëz kishin planifikuar të vinin në këto koncerte. Por u isha shumë mirënjohëse ndaj autoriteteve, sepse falë tyre sakrifikuam koncerte dhe jo jetë. Unë u inkurajova nga dashuria dhe uniteti që pashë te tifozët që u mblodhën. Vendosa që e gjithë energjia ime të shpenzoja për të ndihmuar në mbrojtjen e pothuajse gjysmë milioni njerëzve që do të vinin për të parë koncertet në Londër. Ekipi im dhe unë punuam çdo ditë krah për krah me stafin e stadiumit dhe autoritetet britanike për të arritur këtë qëllim dhe dua t’i falënderoj për gjithçka që kanë bërë për ne”, tha ajo në postimin e saj. Source/ Instagram: taylorswift https://www.instagram.com/taylorswift/?igsh=MW1jdWphaTllNzI3dw%3D%3D