Autoritetet në Kosovë u hodhën në veprim pas njoftimeve për një rritje të beftë te cmimit të vajit. 1000 euro gjobë mori një operator ekonomik nga Inspektorati i Komunes në Skenderajt për fryrje të cmimit dhe manipulim me sasinë. Dy depo të operatorëve ekonomikë u mbyllën përkohësisht gjatë një aksioni të ministrisë së Industrisë e Tregtisë. Edhe inspektori i tregut në Gjilan gjobiti me 400 euro një market për shkak të mospërputhjes së cmimit të sheqerit: cmimi i reklamuar në paketimin 5 kilogramesh ishte 4.09 euro, ndërsa në arke konsumatori paguan 4.19 euro. Një litër vaj u shit dje për 3.50 euro në Kosovë, nga më pak se 2.00 euro që ishte përpara disa ditësh, duke ngjallur reagime të shumta, përfshirë dhe atë të vetë kryeministrit Albin Kurti që e cilësoi këtë rritje artificiale e të paarsyeshme. Çmimi i vajit ushqimor në tregun e Kosovës është më i shtrenjti në botë, tha Kurti.