Londra do të jetë ndalesa e radhës e kryeministrit Edi Rama në kuadër të turit të bashkëbisedimit me shqiptarët e Diasporës. Takimi do të zhvillohet të dielën në orën 12, në Cooper box arena, që gjendet në parkun olimpik të mbretëreshës Elizabeth në londër. Takimin e njoftoi vetë kryeministri Rama përmes një postimi në rrjetet sociale, ku shkruan se “është radha e takimit me shqiptarët e Britanisë së Madhe, në rrugën drejt Shqipërisë 2030”. Kryeministri edi rama, njëkohësisht kryetar i Partisë Socialiste, është takuar më parë me shqiptarët që jetojnë në Greqi e Itali, dy vende me numrin më të lartë të emigrantëve shqiptarë, dhe më pas turi vijoi me takimin në SHBA në fund të muajit tetor. Në të gjitha këto takime, kryeministri ka kërkuar votën e emigrantëve për të bërë të mundur anëtarësimin e shqipërisë në bashkimin europian. Pas arritjes së dakordësisë mes partive politike, per herë të parë në zgjedhjet e ardhshme parlamentare do të votojnë edhe shqiptarët e diasporës.