Donald Trump ka filluar fushatën për zgjedhjet presidenciale të vitit 2024. Ai po reklamon ato që i quan arritje të tij nga mandati i parë, së bashku me planet e reja politike. “Ne do të rivendosim dhe sigurojmë kufijtë e Amerikës ashtu siç i kishim më parë, me sigurinë më të madhe ndonjëherë”, tha ai. Trump foli edhe për planet ekonomike dhe shfaqi qëndrimet e tij për sundimin e ligjit. "Unë kërkoj menjëherë dënimin me vdekje për trafikantët e drogës dhe të qenieve njerëzore”, tha ish presidenti. Ndërsa për veten tha: “…Unë kam dëshmuar se jam një nga njerëzit më të ndershëm dhe më të pafajshëm në vendin tonë”. Presidenti Joe Biden tha se do të përdorë pushimet e festave të fundvitit për të diskutuar me familjen e tij nëse do të kandidojë përsëri. Shtëpia e Bardhë thotë se republikanët janë më të interesuar për të fituar zgjedhjet sesa për të ndihmuar amerikanët. Pamjet: AFP