Presidenti i Shteteve të Bashkuara, Donald Trump njoftoi ndërprerjen e të gjitha bisedimeve tregtare me Kanadanë. Shkak për vendimin e menjëhershëm është bërë një reklamë me ish presidentin e ndjerë, Ronald Reagan, i cili fliste negativisht për tarifat. Reklama në fjalë e shfaq Reganin teksa kritikon tarifat ndaj mallrave të huaja. Ai thotë se tarifat çojnë në humbjen e vendeve të punës dhe në luftëra tregtare. Pikëirsht shfaqjen e kësaj reklame Trump nuk e ka përtypur dot.“Bazuar në sjelljen e tyre skandaloze, të gjitha bisedimet tregtare me Kanadanë janë ndërprerë”, shkroi Trump në rrjetin e tij social, Truth Social. Fondacioni Presidencial Ronald Reagan tha në një komunikatë të enjten vonë se reklama nga Qeveria e Ontarios po “përdor audio dhe video të përzgjedhura” të Reaganit dhe se fondacioni po shqyrton opsionet ligjore. “Reklama e shtrembëron fjalimin presidencial të Ronald Reaganit në radio të vitit 1987, dhe Qeveria e Ontarios nuk ka kërkuar as marrë leje për ta përdorur apo redaktuar atë material”, thuhet në deklaratë. Qeveria e Kanadasë nuk e ka komentuar ende vendimin e Trumpit. SHBA-ja dhe Kanadaja kanë qenë duke biseduar prej javësh për një marrëveshje të mundshme në sektorët e çelikut dhe aluminit, për të cialt Trump vendosi tarfia në fillim të vitit, duke bërë që Otava të përgjigjej me masa të ngjashme. Por me këtë vendim të papritur të Trump, ngrin gjithcka. Në një deklaratë para vendimit të Trump, Kryeministri i Kanadasë, Mark Carney tha se qeveria e tij nuk do të lejojente që SHBA-ja të ketë qasje të padrejtë në tregjet e saj, nëse dështojnë bisedimet për marrëveshjet e ndryshme tregtare me Uashingtonin.