Presidenti Amerikan Donald Trump i shtoi deklaratat e tij kërcënuese ndaj Iranit, nëse mes dy vendeve nuk arrihet një marrëveshje për programin bërthamor iranian. Në një intervistë për rrjetin amerikan NBC Neës ai foli për dyfishim të tarifave doganore, por edhe për bombardime, në rast se Irani refuzon Shtetet e Bashkuara. "Nëse nuk arrijnë një marrëveshje, do të ketë bombardime si kurrë më parë," tha Trump duke shtuar se mes zyrtarëve amerikanë dhe atyre iranianë duhet të ketë bisedime Por përmes një deklarate publike Presidenti i Iranit, Masud Pezeshkian, e ka hedhur mbajtjen e bisedimeve me Uashingtonin. Teherani tha ai, nuk pranon bisedimet e drejtpërdrejta, megjithëse ai la të hapur derën për bisedime të tërthorta me Shtetet e Bashkuara dhe përpjekjet për ndërtimin e besimit.