Në një fjalim të shumëpritur, Presidenti i SHBA, Donald Trump, shpalli tarifat e reja reciproke për pjesën tjetër të botës, duke theksuar se do të nënshkruante një urdhër ekzekutiv për implementimin e tyre. Fjalimi i Trump u mbajt pas orës 22:00 dhe ai theksoi se niveli minimal i tarifave do të jetë 10% për të gjitha vendet përfshi edhe Shqipërinë, ndërsa 20% për Bashkimin Europian dhe deri në 34% për Kinën. Sipas Trump, tarifa 25% do të aplikohet për makinat e huaja. “Taksapaguesit tanë janë mashtruar dhe janë plaçkitur për më shumë se 50 vjet, por kjo nuk do të ndodhë më", deklaroi ai. Në fjalimin e tij, e ka quajtur 2 Prillin, si ditën e çlirimit për Amerikën, duke theksuar se kjo është dita kur SHBA do të marrin përsëri kontrollin e industrisë dhe ekonomisë së tyre. “SHBA aplikonte një tarifë prej 2.4% për makinat e importuara. Ndërkohë, Tajlanda dhe shtetet e tjera aplikojnë çmime shumë më të larta, si 60%. India aplikon 70% dhe Vietnami 75%. Kjo është e padrejtë" shtoi ai. Njoftimi i Trump ka shkaktuar një rënie të fortë të dollarit, i cili ka humbur vlerë kundrejt euros që arriti një nivel prej 1,09 dollarë, krahasuar me 1,0840 dollarë para njoftimit, dhe 1,07 dollarë një ditë më parë. Tregu i obligacioneve të qeverisë amerikane gjithashtu reagoi negativisht. Përveç kësaj, Trump ka sulmuar marrëveshjet tregtare si nafta duke i akuzuar për shkaktimin e humbjes së milionave vendeve të punës dhe për rritjen e deficitit tregtar amerikan.