Top Channel/ Trump dhe Harris në luftë në Pensilvani, shteti që mund të përcaktojë presidentin e ri
23/10/2024 18:58

Ndërsa kanë mbetur më pak se dy javë nga zgjedhjet presidenciale dhe anketime tregojnë për një garë tepër të ngushtë, demokratja Kamala Harris dhe republikani Donald Trump janë përqendruar në Pensilvani, një shtet vendimtar, i cili mund të përcaktojë presidentin e ri amerikan. Si Donald Trumpi dhe Kamala Harrisi kanë intensifikuar takimet zgjedhore në Pensilvani, kanë investuar para dhe energji për fushatë në shtetin vendimtar për rezultatin e zgjedhjeve. Nga 7 shtetet kyçe, Pensilvania është më e madhja dhe ka 19 elektorë, numrin më të lartë ndër ato që konsiderohen shtetet vendimtare. Në dy garat e fundit, kandidati që ka fituar në Pensilvani, ka fituar edhe zgjedhjet presidenciale. Diferenca në të dyja rastet ka qenë e ngushtë, me disa dhjetëra mijëra vota në një shtet me miliona votues. Ndërsa anketimet tregojnë se edhe në këto zgjedhje, gara në atje është teper e ngushtë, Pensilvania mund të përcaktojë fituesin e Shtëpisë së Bardhë. “Pensilvania është një shtet që e fitoi Trumpi në 2016 dhe Bideni në 2020. Ka shumë votues të bardhë, të klasës punëtore. Ka qendra të mëdha urbane, komunitete rurale. Pra është si një lloj miniature e të gjithë vendit, në disa pikëpamje”, shprehet drejtori i kolegjit Franklin & Marshall, Berwood Yost. Fuqia e këtij shteti duket se qëndron tek vetë votuesit që kuptojnë rolin jetik që mund të kenë në këto zgjedhje. “Mendoj se është ndarë në mënyrë të barabartë, gjysma e miqve të mi votojnë për Kamalan dhe gjysma tjetër votojnë për Trumpin. Nëse ky është një tregues atëherë këtu kemi një garë mjaft të ngushtë”, thotë Brian Neel, një votues në Pensilvani. Demokratja Harris shpreson të sigurojë një numër të madh votash në qendrat urbane në qytetet Filadelfia dhe Pitsburg dhe të shtojë mbështetjen në periferitë e këtyre qyteteve. Ajo u ka bërë thirrje grave, votuesve me ngyrë dhe studentëve, elektoratit që i dha fitoren Joe Bidenit 4 vjet më parë, të dalë në mënyrë masive në votime. “Do të votoj për Kamala Harrisin. Gjithë jetën kam votuar demokratët. Besoj se ajo po punon për shtresën e mesme, pjesë e së cilës e ndjej veten”, thotë Paul Grant, votues në Pensilvani. Nga ana tjetër, Donald Trumpi shpreson të zgjerojë mbështetjen në zonat rurale, që i fitoi lehtësisht në 2020 dhe shpreson që votuesit, që tradicionalisht kanë mbështetur demokratët, si latinët dhe punëtorët e krahut, të votojnë për të. “Votova për presidentin e vërtetë, Presidentin Trump. Vendim i drejtë, sepse po shkojmë në drejtimin e gabuar”, thotë Moses Gonzalez, votues në Pensilvani. Ndërsa të dyja palët po pretendojnë se kanë epërsi, në një garë kaq të ngushtë, është shumë e qartë, se edhe një votë ka rëndësi. Për demokraten Harris sfida këtu është edhe më e madhe. Që nga vitit 1948, asnjë demokrat nuk ka fituar zgjedhjet, pa fituar në Pensilvani.

Top Channel/“Bomba atomike e Iranit është gati”. Kreu i IAEA-s: Teherani nis pasurimin e uraniumit
29/06 23:04
Top Channel/ Izraeli nuk dëgjon Trump. Ushtria, thirrje për evakumime nga veriu i Gazës
29/06 22:15
Top Channel/ Trump reagon për Gazën/ Presidenti nxit armëpushimin: Bëni marrëveshje, lironi pengjet
29/06 12:47
Top News- Dronë e raketa drejt Ukrainës/ Putin jep urdhër, sulmi më i madh nga nisja e luftës
29/06 12:17
Top News- Trump kërkon paqe në Gaza/ Presidenti amerikan apel Izraelit e Hamas për marrëveshje
29/06 12:16
Top News- Britani, 2 të arrestuar për terrorizëm/ Pjesë e ‘Palestina Action’, sulmuan bazën ajrore
29/06 10:52
Top News- Musk shpërthen sërish kundër Trump, miliarderi e akuzon se po dëmton ekonominë
29/06 10:41
Top News- Bombardohet sërish Gaza/ Dhjetëra të vrarë, Izraeli nuk ndal sulmet
29/06 10:38
Top News- Vidvodani, ‘ndan’ Serbinë/ Protesta pro dhe kundër Vuçiç. Policia përplaset me studentët
29/06 10:34
Top News – Covid nuk dihet nga erdhi. OBSH heton për 4 vjet, por nuk i gjen dot origjinën
28/06 23:00
Top News – Trump merr mineralet e rralla nga Kina. ‘Shuhet’ lufta tregtare me Pekinin, arrihet marrëveshja
28/06 22:40
Top News – Pas ‘furtunës’ izraelite. Irani rihap pjesërisht hapësirën e vet ajrore
28/06 22:20
Top News – Trump ‘shuan’ luftën edhe në Gaza. Flet për armëpushim pasi 56 mijë palestinezë humbën jetën
28/06 22:00
Top News- 34 të vrarë në Gaza/ Izraeli vijon bombardimet, por armëpushimi në tavolinë
28/06 21:40
Top News – ‘Trump i dha 30 mld dollarë Iranit’. Armëpushimi ‘i kushtueshëm’ për programin bërthamor
28/06 21:07
Top Channel/ Kufizimi i shtetësisë, Gjykata Supreme në SHBA i jep të drejtë Donald Trumpit!
28/06 14:18
Top Channel/ OBSH nxjerr raportin përfundimtar të Covid 19: Nuk ia gjejmë dot origjinën!
28/06 14:17
Top News- Jo duhan në plazh/ Franca miraton ligjin, gjoba të majme për shkelësit
28/06 12:28
Top News – Rusia ‘josh’ vajzat afrikane. Shfrytëzohen në ‘fasoneritë’ e prodhimit të armëve
28/06 12:27
Top News – Kim Jong un kërkon turistë. Jo vetëm raketa bërthamore, edhe resorte turistike
28/06 11:59