Një 42-vjeçar u ekzekutua me armë zjarri brenda një lokali, në Kosovë. Ngjarja e rëndë ndodhi pasditen e kësaj të mërkure, në qendër të Skënderajt. Autorët qëlluan me breshëri plumbash drejt lokalit, ku ndodhej 42-vjeçari, i cili ka humbur jetën në vendngjarje. Viktimë ka mbetur shtetasi Ismet Ibishi, ndërsa autorë të ngjarjes së rëndë kanë qenë dy persona, të cilët janë identifikuar nga policia, ku njëri prej tyre shtetasi Hisni Ibishi. Policia e Kosovës ka ngritur pika kontrolli në të gjithë vendin për kapjen e autorëve, të cilët janë larguar nga vendngjarja menjëherë pas krimit, ndërsa së bashku me Prokurorinë, po hetojnë për zbardhjen e shkaqeve të vrasjes. Paraprakisht dyshohet se shkak i ngjarjes të ketë qenë konflikti për pronësinë, ndërsa viktima dhe autori i identifikuar janë nga fshati Klinë e Ulët.