Përmbysja e një varke në Vietnam i ka marrë jetën dhjetra personave. Ata ishin në një zonë turistike popullore, kur moti ndryshoi dhe nisën stuhitë e furishme të breshërit dhe shiut. Dhjetra persona humbën jetën dhe disa të tjerë rezultojnë ende të zhdukur pasi një varkë turistike u përmbys në Vietnam për shkak të motit të keq. Incidenti ndodhi në Gjirin Ha Long, një destinacion i njohur turistik në veri të vendit. Shumica e pasagjerëve thuhet se ishin familje vietnameze të ardhura nga kryeqyteti Hanoi. Shiu i rrëmbyeshëm ka penguar kërkimin për zhdukurit, thonë ekipet e shpëtimit, por deri më tani 11 persona janë nxjerrë nga uji të gjallë. Anija, e quajtur Ëonder Seas, kishte 53 persona kur u përmbys, pasi u përball me një stuhi të papritur, tha një deklaratë nga Rojet Kufitare dhe Marina Vietnameze. Një dëshmitar okular i tha agjencisë së lajmeve AFP se qielli u errësua rreth orës 14:00 sipas kohës lokale të shtunën. Sipas tij, në këtë moment nisi "breshri i furishëm i shoqëruar me shi të rrëmbyeshëm, stuhi dhe vetëtima. Kryeministri Pham Minh Çin u dërgoi ngushëllime familjeve të viktimave. Gjiri Ha Long në provincën Kuang Ninh ks qindra ishuj të vegjël, duke tërhequr 4 milionë turistë në vitin 2019 dhe është një vend i Trashëgimisë Botërore të UNESCO-s.