Gjykata e Posaçme ka ndryshuar sot vendimin për kokën e trafikut të drogës, Ilirjan Ducellarin, njërin prej trafikantëve të 4 grupeve më të fuqishme kriminale të cilët kanë vepruar nga viti 2014 deri ne vitin 2019, në Shqipëri dhe në kontakt e bashkëpunim me organizatat kriminale italiane, kanë trafikuar gjashtë tonelata drogë në Itali e më pas në vende të tjera europiane. Në vendimin e marrë një vit më parë në muajin shkurt, gjykata e kishte lënë të lirë bashkëpunëtorin e drejtësisë, Ilirjan Duçellarin alias Zaimin për veprën penale “Pastrimi i produkteve të veprës penale ose i veprimtarisë kriminale”, ndërsa sot, pasi mori në shqyrtim ankesën e SPAK gjykata e shpalli fajtor Ducellarin edhe për këtë vepër penale duke e dënuar me 12 vite e 8 muaj burg. Ndryshe nga vendimi i një viti më parë GJKKO-ja vendosi për konfiskimin e pasurive të Ilirian Ducellarit dhe kalimin në favor të shtetit të pasurive të tij, që janë 3 apartamente në Radhimë dhe Vlorës is dhe një ndertësë trelatëshe në Vlorë.