Largimi i pushuesve kosovarë nga plazhet e Shëngjinit, Tales dhe Velipojës ka shkaktuar trafik të rënduar gjatë mbrëmjes së sotme. Segmenti më problematik ishte nga Miloti në Rrëshen, ku janë krijuar radhë të gjata kilometrike automjetesh. Po ashtu probleme në mbrëmje ka pasur edhe në aksin Shkoder -Lezhe. Për të menaxhuar situatën, policia rrugore është vendosur në pika të ndryshme të aksit, me synim lehtësimin e lëvizjes së automjeteve, megjithatë fluksi i lartë ka sjellë vonesa të konsiderueshme. Radhët e gjata këtë të shtunë u krijuan si pasojë e stuhisë që preku zonën veriperendimore të vendit. Plazhet në Velipojë, Shëngjin, Durrës e Vlorë u boshatisën prej erës së fortë, por edhe reshjeve intensive. U raportuan gjithashtu përmbytje rrugësh në Vlorë e Durrës, si dhe rrëshqitje pemësh në Fier e Maliq.