Gjatë 24 orëve të fundit ka pasur fluks të lartë në pikën kufitare të Kakavijës, ku shumë emigrantë shqiptarë që kishin ardhur për festat e fundvitit po rikthehen në vendet e tyre të punës. Problematikat dhe dyndjet e larta në kufijtë me Greqinë janë edhe për shkak se pala greke punon vetëm me dy sportele, ndërkohë që pala shqiptare punon me kapacitet të plotë. Sipas të dhënave nga Drejtoria Rajonale e Kufirit, në 10 orët e fundit janë larguar në drejtim të Greqisë gati 8 mijë shtetas shqiptarë me banim rezident në Greqi. Në total, vetëm gjatë periudhës së festave, lëvizjet e emigrantëve shqiptarë kanë arritur në rreth 160 mijë persona, duke krijuar radhë që shtrihen deri në 7 kilometraNdërkohë, vetë emigrantët shqiptarë që kanë qenë duke pritur në radhë në Kakavijë kanë shprehur indinjatën e tyre të thellë lidhur me këtë situatë të krijuar në pikën e kalimit kufitar.