Pasi Parlamenti miratoi sot Komisionin Hetimor për shkarkimin e Presidentit të Republikës, Ilir Meta ka reaguar edhe zëdhënësi i Kreut të Shtetit, Tedi Blushi. Në një deklaratë për mediet, Blushi bëri të ditur se institucioni i Presidencës nuk do të njohë asnjë vendim antiligjor që do të marrë, sipas tij, Kuvendi njëpartiak. “Presidenti i Republikës Sh.T.Z Ilir Meta shpreh keqardhjen e thellë, që Kuvendi njëpartiak e refuzoi mundësinë që ju dha prej Tij për t’u kthyer në shinat e Kushtetutës dhe të Ligjit. Në këto kushte, bëjmë me dije se Institucioni i Presidentit të Republikës nuk do të njohë asnjë vendim apo veprimtari antikushtetuese dhe antiligjore të Kuvendit njëpartiak në detyrë, si dhe vendimet e çdo institucioni tjetër kukull të këtij regjimi kleptokratik. Çdo produkt i një procesi fiktiv dhe antiligjor parlamentar, që bie ndesh me parimet dhe vlerat e shoqërisë sonë demokratike nuk meriton vëmendje dhe është nul.