Një telefonatë në policinë e Himarës është bërë shkasë që dy turistë çekë të bllokuar në det të shpëtohen. Policia thotë se u njoftua që 2 turistët ishin duke lundruar në det, në plazhin e Livadhit, me një mjet lundrues kajk, ndërsa e kishin të pamundur të ktheheshin në breg, për shkak të dallgëve të larta. Menjëherë pas marrjes së njoftimit janë organizuar shërbimet e Policisë Kufitare, për t’iu shkuar në ndihmë 2 turistëve çek. Shërbimet e Policisë Kufitare kanë shkuar në vendin ku ishin bllokuar turistët dhe i kanë shoqëruar ata me mjetin e Policisë Kufitare, deri në breg, së bashku me mjetin e tyre lundrues. Dy turistët janë në gjendje të mirë shëndetësore dhe kanë falënderuar shërbimet e Policisë që iu shkuan në ndihmë. Policia e Kufitare e Vlorës është e angazhuar maksimalisht në shërbim të qytetarëve dhe të vizitorëve, për të krijuar një ambient sa më të sigurt.