Top Channel/ Sundimi i ligjit nën lupën e BE! Draft-raporti i Brukselit, vlerësohet progresi i SPAK
16/06/2025 19:35

Komisioni Europian ka hartuar një draft raport për Sundimin e Ligjit, nga ku analizohet me detaje ecuria e reformës në drejtës në Shqipëri, përfshi sfidat me luftën ndaj korrupsionit. Nga një burim diplomatik gazetari i Top Channel, Muhamed Veliu siguroi draft raportin i sigluar konfidencial, që mban datën 9 Qershor 2025 dhe i është dërguar institucioneve shqiptare për t’ju përgjigjur me komente, të cilat reflektohen më pas në raportin final. Ky draft raport për Sundimin e Ligjit në Shqipëri fillimisht tregon si qytetarët e perceptojmë drejtësinë e vendit të tyre sot. “Niveli i perceptuar i pavarësisë gjyqësore në Shqipëri vazhdon të jetë mesatar si tek publiku i gjerë ashtu edhe tek kompanitë. Në përgjithësi, 47% e popullsisë së përgjithshme dhe 40% e kompanive e perceptojnë nivelin e pavarësisë së gjykatave dhe gjyqtarëve si “mjaftueshëm ose shumë të mirë” në vitin 2025. Pavarësia e perceptuar gjyqësore tek publiku i gjerë është rritur pak në krahasim me vitin 2024 (46%), ndërsa tek kompanitë ka rënë në krahasim me vitin 2024 (45%)”. Komisioni Europian i dedikon një kapitull të veçantë analizues punës të SPAK duke vlerësuar se “Struktura Speciale Kundër Korrupsionit (SPAK) konsolidoi më tej rezultatet e saj pozitive në luftën kundër korrupsionit të nivelit të lartë dhe bëri përparim të prekshëm drejt një rekordi të fortë në luftën kundër korrupsionit”. “SPAK-u vazhdoi të konsolidojë rezultatet e tij pozitive në luftën kundër korrupsionit të nivelit të lartë, ndonëse mbeten disa mungesa në lidhje me stafin dhe infrastrukturën. Struktura e Posaçme Kundër Korrupsionit (SPAK) dhe gjykatat kundër korrupsionit dhe krimit të organizuar, kanë dhënë rezultate pozitive në hetimin, ndjekjen penale dhe gjykimin e çështjeve të korrupsionit, përfshirë ato që përfshijnë politikanë dhe zyrtarë të lartë, si dhe në mbrojtjen e interesave financiare të BE-së. SPAK shfaq vizion strategjik të qëndrueshëm dhe pavarësi në kontributin e tij në luftën kundër korrupsionit të nivelit të lartë, pavarësisht presionit të shtuar politik, grupeve të krimit të organizuar dhe medias. Rritja e vazhdueshme e ngarkesës së punës për SPAK-un dhe mungesa e stafit dhe infrastrukturës vazhdojnë të jenë çështje që duhen adresuar. Numri i referimeve te SPAK-u nga autoritetet e tjera ka rënë më tej dhe mbetet i ulët”. Komisioni Eurpian mbërrin në përfundimin se “Shqipëria vazhdoi zbatimin e reformës gjyqësore duke forcuar pavarësinë gjyqësore dhe autonominë e prokurorisë”. Procesi i verifikimit të gjithë gjyqtarëve dhe prokurorëve u finalizua në shkallën e parë, duke forcuar më tej llogaridhënien. Ndërsa qëndrueshmëria e gjyqësorit u përmirësua thotë Komisioni Europian, përpjekjet për ndikim të tepruar në sistemin gjyqësor nga zyrtarët publikë ose politikanët u përkeqësuan. Duke analizuar përpjekjet anti-korrupsion të qeverisë në draft-raportin e Komisionit Europian thuhet: “Strategjia Kundër Korrupsionit për vitet 2024-2030 është miratuar. Korniza ligjore për të luftuar korrupsionin është gjerësisht e vendosur, por legjislacioni për parandalimin e korrupsionit duhet të plotësohet”. Komisioni Europian ka edhe këtë koment paraprak për komisionin e posaçëm parlamentar për mirëqeverisjen dhe anti-korrupsionin drejtuar prej Fatmir Xhafajt. “Ekzistojnë mangësi lidhur me punën, metodologjinë dhe ndikimin e komisionit ad hoc parlamentar për thellimin e reformave për qeverisjen e mirë, sundimin e ligjit dhe luftën kundër korrupsionit. Shumica e institucioneve të drejtësisë vendosën të angazhohen me komisionin vetëm në mënyrë formale, me shkrim, duke shprehur shqetësime për procesin dhe çështje kushtetuese si pavarësia e tyre dhe detyrimet e përcaktuara për raportim ndaj Kuvendit. Ekzistojnë mangësi lidhur me punën, mungesën e transparencës, gjithëpërfshirjes, metodologjinë dhe ndikimin real, si edhe rrezikun për përsëritje të punës tashmë të kryer në kuadër të negociatave të anëtarësimit. Është e rëndësishme që puna e komisionit ad hoc të jetë gjithëpërfshirëse, transparente dhe në përputhje me rezultatet pozitive të reformës në drejtësi të vitit 2016”. Ky draft raport përfshin edhe zhvillimet brenda Policisë së Shtetit pjesë e rëndësishme kur flasim për Sundimin e Ligjit. “Policia e shtetit mbetet e ndjeshme ndaj korrupsionit. Mangësitë mbeten në lidhje me transparencën dhe me efektivitetin me të cilin Inspektorati i Lartë për Deklarimin dhe Auditimin e Pasurive dhe Konfliktin e Interesave kontrollon deklaratat e pasurive dhe interesave”.

Top News- ‘Meta si Navalny’ / PL sjell vendimin e Strasburgut për politikanin rus
07/07 17:03
Top News- ‘Bankers pagoi’ / Berisha-Kompania ka shlyer 1 miliardë euro detyrime
07/07 16:35
Top Channel/ “Krimineli as nuk ka kurajën të shfaqet”, Rama publikon pamjet nga Thethi
07/07 15:40
Top Channel/ “Punët s’bëhen në kafene”, Rama kritikon deputetët: Parazitë…
07/07 15:31
Top Channel/ Meta: Monika, si Zeqineja e SPAK! Përplasje në distancë mes ish-çiftit të politikanëve
07/07 15:15
Top Channel/ Rama nuk i ndahet Vlorës, kryeministri për porositë e lëna: Punët nuk bëhen në kafene
07/07 15:11
Top Channel/ KAS vendos për 4 qarqe! Opozita ngulmon për pavlefshmëri. Kalaja kritikon edhe PD
07/07 15:06
Top Channel/ Ndërtimet pa leje në Veri, kryeministri kritikon Elsa Gjelin: Çështja t’i përcillet KLP
07/07 15:03
Top Channel/ “Fshat turistik pa leje në Theth”, Rama: denoncon prokuroren: Zonja Gjeli, e padenjë!
07/07 14:18
Top Channel/ “O Edi”! E moshuara përplaset me truprojat e kryeministrit, Rama e dëgjon: Hajde…
07/07 14:02
Top Channel/ Beleri merr pjesë në inagurimin e konsullatës greke në Korçë
07/07 13:46
Top Channel/ “Halle ke, po ik tani mos më hajde mbrapa”, Rama ‘përplaset’ me qytetaren në Vlorë
07/07 12:56
Top Channel/ Berisha paraqitet në SPAK, zbaton masën detyrim paraqitje, sulmon Dumanin
07/07 12:53
Top Channel/ KAS vendos për 4 qarqe! PD ngulmon për pavlefshmëri në Tiranë, Elbasan, Durrës e Fier
07/07 12:52
Top Channel/ Rama nuk i ndahet Vlorës, inspekton porositë e lëna pak ditë më parë
07/07 12:51
Top Channel/’ “Të gjithë drejtuesit do të merren të rinj”, Rama pas dorëheqjes së drejtorëve
07/07 12:33
Top Channel/ Probleme me ujin e pijshëm në Vlorë, Rama: Keqmenaxhim vitet e fundit i ujësjellësit
07/07 12:33
Top Channel/ “Bën mirë t’i heqësh vetë”/ Rama inspekton lokalet në Vlorë: Futi brenda këto tavolina
07/07 12:22
Top Channel/ “Iku koha e deputetëve që jepnin zgjidhje nga kafeneja”, ultimatumi i Ramës
07/07 12:20
Top Channel/ “Parazitë…”, zbardhet çfarë tha Rama gjatë takimit në bashkinë Vlorë
07/07 12:19