Ministria për Evropën dhe Punët e Jashtme në Tiranë reagoi për akuzat e artikuluara prej Ministrisë së Punëve të Jashtme të Serbisë e cila tha se presidentja e Kosovës, Vjosa Osmani po përpiqet të zhvendos vëmendjen nga 'përndjekja sistematike e serbëve' në Kosovë. Këtë qëndrim të Serbisë diplomacia shqiptare e quan si një përpjekje e rikthimit të hijeve të së shkuarës mbi një rajon që po përpiqet të ecë drejt së ardhmes.