Top Channel/ SPAK çon për gjykim Ilir Beqajn, zbërthen abuzimin me fondet e BE
02/04/2025 19:52

SPAK mbyll hetimet për dosjen “ SASPAC” duke dërguar për gjykim ish-ministrin Ilir Beqaj dhe 10 persona të tjerë të pandehur. Sipas njoftimit të Prokurorisë së Posaçme, nga hetimet është provuar se i pandehuri Ilir Beqaj, të ketë pasur njohje me të pandehurin, Ermal Kurtulaj, të paktën që prej vitit 2012, kohë kur i pandehuri ka qenë ortak pranë shoqërisë “Intech” sh.p.k. I pandehuri Ermal Kurtulaj rezulton të ketë punuar në vitin 2017 pranë FSDKSH-së, më pas në disa projekte të ndryshme dhe që prej datës 01.06.2022 ka punuar si koordinator i zyrës “Facility Point”, për programin “EUSAIR”, në SASPAC, i emëruar nga vetë i pandehuri Ilir Beqaj sipas urdhrit nr. 80, të datës 26.05.2022. Gjatë ushtrimit të detyrës si Drejtor i Përgjithshëm i SASPAC-ut, i pandehuri Ilir Beqaj duke vepruar si urdhërues në bashkëpunim me të pandehurin, Ermal Kurtulaj, i cili ka vepruar si zbatues, përgjatë viteve 2022-2023 kanë kryer procedura prokurimi fiktive në kundërshtim me rregullat “PRAG”, të përcaktuara në Rregullat e Zbatimit të Rregullores Financiare, të aplikueshme për të gjitha kontratat e ndihmës së jashtme të BE-së, të financuara nga Buxheti i Përgjithshëm i BE-së, Fondi i 10-të Europian i Zhvillimit (EDF) dhe të detyrueshme për t’u zbatuar sipas nenit 5 gërma “c” të ligjit nr. 37/2015 “Për Ratifikimin e Marrëveshjes Kuadër Ndërmjet Republikës së Shqipërisë, Përfaqësuar nga Këshilli i Ministrave i Republikës së Shqipërisë dhe Komisionit Europian për Rregullat e Zbatimit të Mbështetjes Financiare të BE-së për Shqipërinë, në kuadër të Instrumentit për Asistencën e Paraanëtarësimit (IPA II)” dhe ligjit me nr. 21/2018 “Për ratifikimin e marrëveshjes së financimit mes Republikës së Shqipërisë, Republikës së Italisë dhe Komisionit Europian, për Programin Interreg V-B Adriatiko-Jonian (Adrion) 2014-2020 ”. Të gjitha shërbimet e prokuruara në kuadër të eventeve “Mbi organizimin e Konferencës FESTA (E ardhmja e Turizmit të qëndrueshëm mjedisor në Shqipëri” dhe “Konferenca e Energjitikës” si dhe “Bashkëpunimi në Rajonin e e Adriatikut dhe Jonit”, organizuar ne vitin 2023 nuk i janë nënshtruar një procedure prokurimi të rregullt, por fituesi është dakordësuar dhe përcaktuar shumë më përpara se të realizohet procedura e prokurimit, e kryer në mënyrë fiktive më pas për efekt dokumentacioni. Këto tendera janë zhvilluar me procedurë negocimi konkurruese, të cilat janë urdhëruar për t’u kryer nga i pandehuri, Ilir Beqaj në cilësinë e Drejtorit të Përgjithshëm, i cili ka nënshkruar mbi dakordësinë për të kryer shërbimin e caktuar; ftesat që iu janë dërguar subjekteve për të paraqitur oferta sipas llojit të prokurimit, urdhri për ngritjen e komisionit për të kryer vlerësimin e ofertave; shkresa dërguar fituesit pas vlerësimit, si edhe lidhja e kontratës, urdhrat e pagesave- veprime këto të kryera kohë më pas, nga lidhja dhe zbatimi i kontratës. Një pjesë e shërbimeve rezulton se të jenë prokuruar në mënyrë fiktive, pasi shoqëritë tregtare nuk kanë ofruar shërbime, por kanë mashtruar në bashkëpunim me të pandehurit Ilir Beqaj dhe Ermal Kurtulaj, për qëllime përfitimi material, si dhe në të paktën dy raste provohet që këta të fundit kanë marrë përfitime të parregullta nga të pandehurit që kanë përfaqësuar këto shoqëri tregtare. I pandehuri Ilir Beqaj ka kryer deklarim të rremë mbi pasurinë e tij nga viti 2020 e në vazhdim, pasi ka fshehur interesat pasurore në 50% të kuotave në shoqërinë tregtare “Albanian Food and Hospitality Services” shpk, me NIPT L91329021O dhe nuk ka deklaruar shpenzimet e kryera për investime në këtë shoqëri tregtare; ka fshehur pronësinë dhe nuk ka deklaruar shpenzimet në lidhje me një apartament të ndodhur në qytetin e Vlorës; si dhe ka fshehur pronësinë e një automjeti. Në kuadër të hetimeve është vendosur sekuestro preventive mbi pasurinë e paluajtshme (apartament), me vendodhje në Lungomare, Vlorë dhe disa llogarive bankare, e të tjera sekuestruar të pandehurve, si më poshtë vijon: 14 323 125 (katërmbëdhjetë milion e treqind e njëzetë e tre mijë e njëqind e njëzetë e pesë) lekë; 15 542 (pesëmbëdhjetë mijë e pesëqind e dyzetë e dy) euro; 42 318 (dyzetë e dy mijë e treqind e tetëmbëdhjetë) USD; 19.4% të kuotave të shoqërisë tregtare “Albanian Food and Hospitality Services” sh.p.k. Tre automjete regjistruar në pronësi të pandehurve

Top News- Shpëtohet turisti gjerman në alpe/ U rrëzua dhe dëmtoi këmbën gjatë ngjitjes
07/06 16:49
Top Channel/ Mijëra policë rrethojnë stadiumin! Masa ekstreme sigurie
07/06 15:31
Top Channel/ Nisin zjarret e Vlorës!Fusha e mbetjeve urbane sërish në flakë. Tym i zi mbulon qytetin
07/06 15:31
Top News- Ballkani qendër e përplasjes së spiunazhit/ MI6 luftë ndaj Rusisë në Ballkan
07/06 14:38
Top Channel/ Ministri i RMV nga Korça: Bashkëpunimi të kalojë në një nivel më të institucionalizuar
07/06 13:55
Top Channel/ Nuk morën para nga pensioni i nënës , dy vëllezër mbysin me jastëk babain, trupin…
07/06 13:47
Top Channel/Restaurimi në Burgun e Spaçit, Berisha:Duan të shuajnë gjurmët e xhelatëve të diktaturës
07/06 13:30
Top Channel/ Sërish zjarr në fushën e mbetjeve urbane në Vlorë, zjarrfikësit në ‘luftë’ me flakët
07/06 13:29
Top News- Merr flakë fusha e mbetjeve urbane në Vlorë, tymi përhapet me shpejtësi
07/06 13:22
Top Channel/ Armë nga Kosova drejt Kongos! Kapet automjeti me armë automatike dhe mijëra fishekë
07/06 12:47
Top News – AMP aksion në Kapshticë/ Kapet sasi e madhe droge, dyshohet policë të përfshirë
07/06 12:38
Top Channel/ Siguria për turizmin! Do të kontrollohen ushqimet dhe do shtohen qendrat shëndetësore
07/06 12:29
Top Channel/ “T’shituar nga zana e maleve”/ Të huajt magjepsen nga bukuria e egër e zonës
07/06 12:26
Top Channel/ Aksident në aksin Korçë-Maliq, përplasen dy mjete, lëndohet një person
07/06 12:01
Top Channel/ Me flamur drejt Tiranës! Vijnë shumë tifozë nga Kosova. Për ndeshjen por edhe për plazh
07/06 11:47
Top News- Aksident në aksin Korçë-Maliq, përplasen dy mjete, plagoset një person
07/06 11:15
Top News-Makina me armë, tre vite në port/ Durrës, destinacion Kongon, në kërkim shtetasi nga Kosova
07/06 11:14
Top News – 5 të mitura dhunojnë bashkëmoshataren. Tiranë, filmojnë dhunën dhe pamjet i hedhin online
07/06 11:12
Top News – Rezervistët në detyrë. Shtohen trupat ushtarakë, Shqipëria si aleatët e NATO
07/06 11:11
Top News – Detyrimet tatimore u rritën në Maj. Ekspertët: Sistem i padrejtë, ndikoi fushata
07/06 11:11