Akuzat me tone kërcënuese të Ilir Metës në adresë të kreut të SPAK Altin Dumani, prodhuan një reagim en-block të SHBA, Britanisë së Madhe dhe Delegacionit të BE në mbështetje të prokurorisë së posaçme. E gjitha një izolim total nga ndërkombëtarët ndaj ish presidentit të vendit në inkuizicionin anti SPAK, prokurori e cila e ka vënë nën hetim bashkë me familjarët e tij. Krahas kësaj kundërshtie të fortë të ndërkombëtareve, ish King-Mejkeri i politikës shqiptare sa djathtas dhe majtas, Ilir Meta ka humbur edhe mbështetjen e qytetarëve shqiptarë. Këtë e tregon edhe ky sondazh i faqes më të madhe informative online Top Channel. Gjatë 24 orëve të fundit është publikuar pyetja “Ambasada amerikane doli në mbrojtje të kreut të SPAK Dumani. A jeni dakord me të?” Në këtë sondazh deri më tani kanë votuar 6400 persona. Shumica dërrmuese prej 79.44 % dakord ësohet me qëndrimin e selisë të Washingtonit në Rrugën e Elbasanit. Ndërsa 14.51 % kanë votuar jo dhe 6.04 ?% thonë se nuk e dinë. Këto të dhëna tregojnë vijueshmërinë e qëndrimeve të qytetarëve shqiptarë në mbështetje të SPAK për ti dhënë fund pa-ndëshkueshmërisë e zullumeve të politikanëve të djeshëm e të sotëm.