Në imazhet e arkivës shihen skenat e një përplasjeje fatale mes anijeve daneze e britanike pranë brigjeve të Suedisë në fund të vitit të shkuar. të enjten një gjykatë daneze dënoi një marinar britanik me 18 muaj burg për rolin e tij në përplasjen fatale në detin Balltik ku dy marinarë humbën jetën. Helikopterët kishin kërkuar për dy ditë trupat e marinarëve të humbur por hoqën dorë pas gjetjes së një trupi në anijen e përmbysur. " 30-vjeçari britanik që drejtonte transportuesen MV Scot Carrier, u dënua me një vit e gjysmë burg nga gjykata e Kopenhagen për përplasjen ku humbën jetën dy marinarë danezë," tha prokuroria. Ata shtuan se drejtuesi i mjetit kishte qenë i dehur dhe u shpall fajtor për vrasje nga pakujdesia, dhe do të deportohet nga Danimarka pas dënimit. Aksidenti i rëndë ndodhi natën e 13 dhjetorit në ujërat mes portit suedez Istad dhe ishullit danez Bornholm. Peshkarexha daneze Karin Hoj, ishte goditur nga transportuesja e madhe bitanike dhe u përmbys, duke vrarë dy marinarët në bord.