Aktori i njohur i Hollywood, Leonardo DiCaprio ka mohuar së fundmi se ka qenë në festat famëkeqe të producentit Sean Combs, i njohur Diddy, i arrestuar për trafik seksual dhe abuzime me vajza minorene. Një zëdhënës i aktorit 49 vjeçar tha për rrjetin Daily Mail se “ai prej vitesh nuk ka pasur lidhje me Diddy”. Zhvillimi vjen pas publikimit të fotove të festave ku Leonardo shihet me Diddy në një event të vitit 1998 në vilën e këtij të fundit në New York, ku të gjithë janë të veshur me të bardha. Asokohe 24-vjeç, DiCaprio shihet bashkë me reperin dhe miq të tjerë. “Aktori i Titanikut ishte i ftuari numër një në listën e Diddyt, teksa në festa ftoheshin po ashtu personazhe VIP si Paris Hilton, Mariah Carey e Kim Kardashian”, shkruan MailOnline. Por megjithë pjesëmarrjen e DiCaprio, përfaqësuesit e tij thonë se ai nuk ka pasur kontakte prej vitesh me Sean Combs. “Leonardo DiCaprio nuk ka të bëjë fare me abuzimet. Ai ka qenë në festat e tij në vitet 2000, siç bënin të gjithë, por aty nuk kishte abuzime. Kur kanë qenë në këto festa, Di Caprio ka qenë në fillim të karrierës, ndërsa më pas u largua prej tyre. Nuk mund të akuzohet se ka qenë pjesë e abuzimeve apo trafikut njerëzor vetëm prej disa fotove të zbehta kur ishte 20 vjeç”, tha zëdhënësi i artistit. Megjithatë, raporton Daily Star, aktori është fotografuar krah Diddy edhe më vonë, në konventën e partisë demokrate amerikane në 2004 dhe në ditëlindjen e 50-të të Diddy në 2019.