Seriali i famshëm ‘Simpsons’ duket se ka parashikuar dhe kandidaturën presidenciale të Kamala Harris në një episod të vitit 2000 teksa zv. presidentja pritet tashmë të sfidojë Donald Trump për Shtëpinë e Bardhë në zgjedhjet e nëntorit 2024. Pas tërheqjes së presidentit Biden nga gara prej kritikave ndaj performancës së tij, ndjekësit e serialit të animuar kanë vënë re paralelizma të çuditshme me një episod ku Lisa Simpson bëhet presidentja e parë grua. Në episodin e vitit 2000, Lisa merr rolin e presidentes me një kostum të purpurt shumë të ngjashëm me atë që Harris mbante në ceremoninë e inaugurimit të Biden në 2021. Krahasimet arrinin në qindra në rrjetin X (dikur Twitter) teksa Biden njoftonte tërheqjen dhe njoftonte Harris si pasuese. “Jo më kot Simpsons e kishin parashikuar dhe këtë….”, shkruan aktorja Claudia Jordan në një postim në X. “Simpsons godasin përsëri!”, shkruante një tjetër përdorues i rrjetit social. “E mbani mend kur Lisa u bë Presidente e SHBA në serialin Simpsons? Apo mos ishte gjë Kamala Harris?”, shkruan një tjetër. Në serial në fakt, Lisa merr presidencën pas një mandati të trazuar të Donald Trump, ndërsa ankohet për “gropën e deficitit që ai ka lënë”. ‘The Simpsons’ ka krijuar një reputacion për parashikime të çuditshme të ngjarjeve të rëndësishme botërore, aq sa kritikët thonë se subjekti i tij mund te shkruhet nga njerëz që kanë dijeni për ngjarjet botërore.