Pikëpyetje të shumta po rrethojnë atentatin ndaj ish presidentit amerikan Donald Trump. Shërbimi Sekret i Shteteve të Bashkuara po heton për të sqaruar sesi arriti autori 20 vjecar t`i afrohej aq shumë Trumpit saqë arriti të hapë zjarr dhe ta plagosë atë me armë zjarri nga një cati, ku për tepër, edhe e kishin parë disa dëshmitarë. Ky episode po shihet tani si dështim i forcave të sigurisë. FBI-ja identifikoi Thomas Mattheë Crooks si "subjektin e përfshirë" në atentatin e së shtunës ndaj ish presidentit Trump, një nga aktet e profilit më të lartë të dhunës politike në disa dekada. Crooks, që ishte nga qyteza Bethel Park i Pensilvanisë, rreth një orë larg nga vendi i tubimit politik ku Trump u qëllua në vesh, u vra menjëherë nga personeli i Shërbimit Sekret. Ai ishte vetëm 150 metra larg vendit ku po fliste ish-Presidenti Trump kur hapi zjarr. Presidenti Joe Biden njoftoi se ka kërkuar një analizë të pavarur të masave të sigurisë në tubim ndersa i bëri thirrje amerikanëve të mos nxitojnë në spekullime lidhur me arsyen e sulmit. Kevin Rojek, agjent i posaçëm i FBI-së i ngarkuar me zyrën në terren në Pittsburgh, u tha gazetarëve se "është e habitshme" që personi i armatosur qëlloi katër ose pesë herë përpara se të vritej. Motivi i autorit mbetet ende i paqartë, ndërsa thuhet se familja e tij po bashkëpunon me autoritetet.