Shuhet nga jeta në moshën 78-vjeçare “Kajzeri” legjendar Franz Beckenbauer. Ish-qendërmbrojtësi gjerman, I cili fitoi kupën e botës si lojtar dhe si trajner, vdiq i qetë në prani të të dashurve të tij. Ai pati një karrierë të gjatë dhe të pasur në futboll duke fituar shumë trofe. Futbolli gjerman është më i varfër sot pasi “Kajzeri” legjendar Franz Beckenbauer u nda nga jeta në moshën 78-vjeçare. Sipas njoftimit të familjes, “Cezari” vdiq në gjumë të dielën në banesën e tij. “Me pikëllim të thellë ju njoftojmë se bashkëshorti dhe babai ynë, Franz Beckenbauer, ndërroi jetë i qetë në gjumë, të dielën, i rrethuar nga familja e tij. Kërkojmë që të na lejoni të mbajmë zi në heshtje dhe të përmbahemi nga çdo pyetje.”, njoftoi familja Beckenbauer. Një goditje kjo, tjetër për botën e futbollit që tashmë ka një yll më pak. Ish-qëndërmbrojtësi bavarez fitoi kupën e Botës si lojtar në vitin 1974. Sukses që e përsëriti në vitin 1990 edhe si trajner me Gjermaninë Perëndimore. Beckenbauer gëzoi një karrierë të gjatë dhe të suksesshme në futboll. Karrierë të cilën e nisi që fëmijë në radhët e Bayern Munich. Ai veshi ngjyrat e skuadrës bavareze për 13 vjet, duke fituar trofe të shumtë, përfshirë këtu dhe dy topa të artë. Ish-lojtari pati sukses dhe si drejtor sportiv, ku mundi të fitojë nëntë tituj me ekipin e tij Bayern Mynich, duke përfshirë këtu një Chamions