Banorët e fshatit Shushicë në Elbasan kanë protestuar për rritjen e çmimit të biletës së transportit rrethqytetës. Sipas tyre rritja e çmimit të biletës nga 50 në 100 lekë nuk e justifikon distancën prej 7 km të kësaj zone. Nga ana tjetër drejtuesit e mjeteve të licensuara të kësaj zone pretendojnë që konkurohen nga taksitë e paligjshme dhe po shkojnë drejt falimentit. Top Channel u interesua pranë Bashkisë së Elbasanit e cila garantoi se nuk do të ketë rritje të çmimit të biletës së transportit në zonën e Shushicës dhe një vendim i tillë merret vetëm nga Këshilli Bashkiak.