Turistët nëpër Shqipëri i shohim cdo ditë, teksa plot kuriozitet zbulojnë më shumë mbi vendin tonë. Pas një turi disa ditor nëpër qytete të ndryshmë, nga veriu në jug, disa prej tyre i takojmë edhe në Tiranë. Disa zgjedhin që rrugëtimin e tyre ta bëjnë më të vecantë, si ky grup Italian që udhëtojnë me motorra. “Është hera e parë që po shohim Shqipërinë dhe kemi ardhur të gjithë së bashku me motorra. Jemi nisur nga Palermo sepse ne jemi një grup motociklistash dhe zbulojmë së bashku botën. Shqipëria ishte një prej vendeve që donim të vizitonim dhe jemi vërtet të surprizuar nga ky vend kaq i bukur.” Entuziasmi nuk ju mungon teksa janë ndalur në kryeqytet për të parë pikat turistike. “Grupi fillon prej 4 miqsh ndërsa sot jemi 2024 persona. Ajo që na karakterizon është familjariteti qe kemi me njëri tjetrin, kur kthehemi në shtëpi kthehemi si një familje. Ajo që na ka bërë përshtypje kur erdhëm në Shqipëri është se kur na shohin ne rrugë me motorra na e lirojnë rrugën dhe na lënë të kalojmë. I falenderojmë të gjithë për mikpritjen.”