Katari konfirmon se bisedimet për armëpushim në Gaza po vazhdojnë mes dy palëve. “Takimet po vazhdojnë në nivel teknik mes dy palëve. Për momentin nuk ka delegacione në një nivel më të lartë”, raportojnë autoritet. Për më shumë se një vit, Katari ka ndërmjetësuar me SHBA-në dhe Egjiptin në negociatat që synojnë arritjen e një marrëveshjeje armëpushimi në Gaza dhe lirimin e pengjeve që mbahen ende në enklavën palestineze pas sulmit të 7 tetorit 2023 nga Hamasi në Izrael. “Shumë çështje janë në diskutim”, shtoi zëdhënësi i ministrisë së jashtme të Katarit, i cili vuri në dukje se ai nuk dëshiron të hyjë në detaje “për të mbrojtur integritetin e negociatave”. Lufta në gaza vijon ende, teksa bilanci i viktimave mbetet i rëndë, shumica prej tyre gra dhe fëmijë. Muajt e fundit Izraeli ka vijuar sulmet e vazhdueshme, teksa ka pretenduar se objektiv kanë qenë militantët e Hamasit.