Shpërthimi i një bombe të vendosur poshtë makinës së tij i ka marrë jetën gjeneralit Fanil Sarvarov, një figurë e rendësishme e ushtrisë ruse. 56 vjecari ka qenë drejtues i Departamentit të stërvitjes operative të forcave të armatosura, e pohuar kjo nga Komiteti Rus i Hetimit. Sipas këtij të fundit, një nga pistat ku po hetohet është që lënda plaësese të jetë vendosur në makinë me përfshirjen e shërbimeve ukrainase të inteligjencës. Për këtë, nga ana e Ukrainës nuk ka ende asnjë koment. I lindur më 11 mars 1969, Sarvarov ishte diplomuar në Shkollën e Lartë të Komandës së Tankeve në Kazan në vitin 1990. Ai kishte ndjekur po kështu edhe Akademinë Ushtarake të Forcave të Blinduara në vitin 1999 dhe atë Akademinë Ushtarake të Shtabit të Përgjithshëm të Forcave të Armatosura Ruse në vitin 2008, ndërsa thuhet se kishte marrë pjesë në “operacione kundër terrorizmit” në Çeçeni për gjashtë vjet. Ndërkohë në vitet 2015-2016, ishte i përfshirë në operacionet e Rusisë në Siri. Sarvarov kishte marrë disa dekorata nga autoritetet ruse. Që prej fillimit të luftës së Rusisë në Ukrainë, shkurtin e vitit 2022, në Moskë janë shënjestruar një numër zyrtarësh ushtarakë rusë.