Sikurse në inceneratorin e Fierit , edhe për inceneratorin e Elbasanit, Lefter Koka u deklarua fajtor nga gjykata e posacme. Nga tre akuza që I rëndonin edhe në këtë dosje, ish ministri I mjedisit u cilësua I pafajshëm vetëm për shpërdorim detyre. Kurse për dy veprat e tjera të pastrimit të parave dhe të korrupsionit u dënua me 5 vjet e 8 muaj burgim si dhe me 5 vjet heqje e të drejtës për të ushtruar funksione publike. Në ngarkim të kësaj cështjeje Lefter Kokës I konfiskohen aksione nga kantina e verës sipas vlerës që ka kryer korrupsion së bashku me kompanitë ‘Pivot’ dhe ‘Silvi’. Të gjithas sekuestrot ndaj apartamenteve u shfuqizuan. Ish sekretari I përgjithshëm I Ministrisë së Mjedisit Alqi Bllako u konsiderua I pafajshëm nga gjykata dhe u urdhërua lirimi I tij I menjëhershëm, në rast se nuk mbahet për vepër tjetër penale tha trupa gjyqesore. Për shkak se ai është dënuar për shpërdorim detyre në dosjen e Fierit dhe ka marrë 2 vjet e 8 muaj burgim, u takon avokatëve të llogarisin kohën se kur ish zyrtari duhet të kërkojë lirinë. Klodian Zoto u dënua me 6.8 vjet burgim dhe të njëjtën masë dënimi mori edhe Mirel Mërtiri, kurse Stela Gugallia u dënua me 4.8 vjet burg.