Një shqiptar i cili mbahej i arrestuar për përdhunimin e një 27-vjeçareje në Greqi është liruar. Shqiptari 46-vjeçar punonte si shofer autobusi në një kompani në Aspropyrgos, ku punonte edhe e reja. Mësohet se ai u dërgua në Prokurori e më pas në Hetuesi dhe pas kërkimit të faljes u la i lirë pa i vendosur kushte kufizuese. Ky rast u bë i ditur pasi 27-vjeçarja u ankua se 46-vjeçari i kishte ngritur kurth dhe e përdhunoi brutalisht teksa priste autobusin për ta çuar në punë. Sipas denoncimit të 27-vjeçares, gjithçka ka ndodhur në orët e para të 13 majit kur 46-vjeçari me pretekstin se autobusi ishte mbushur i ka thënë gruas të priste që të kthehej për ta marrë. Pasi u kthye që ta merrte, në vend që të shkonte në kompaninë ku punonte 27-vjeçari, shoferi i autobusit 46-vjeçar u nis drejt një zone malore, parkoi automjetin dhe më pas, sipas përshkrimit të vajzës në polici kreu veprime të pahijshme.