Pamje shokuese janë publikuar në mediat e SHBA kur automjeti i zv.presidentes Kamala Harris thuajse u godit nga një shofer që dyshohet se ishte i dehur. Incidenti ndodhi mbrëmjen e të hënës në autostradën kryesore të Milwaukee, në verilindje të vendit. Shoferi që lëvizte në drejtim të gabuar, po i afrohej autokolonit të kandidates presidenciale në autostradën Interstate 94. Në video shihet se si makina e bardhë zhvendoset majtas pranë automjeteve të policisë e sigurisë së zv. presidentes duke rrezikuar edhe atë vetë. Policia dyshonte se 55 vjeçari ishte i pirë pasi në makinë e tij u gjet një kanaçe e hapur birre, sipas mediave vendase. Sherifi i Milwaukee kishte ndaluar më pas të dyshuarin teksa tha se nuk ishte në gjendje të mirë mendore. Kur oficerët e informuan se thuajse kishte goditur makinën, ai deklaroi se nuk mbante mend të kishte rrezikuar asnjë automjet, shkruan rrjeti britanik The Sun. Incidenti ka ngjallur diskutime për mangësitë e sigurisë pasi disa atentateve të raportuara kundër kandidatit republikan presidencial Donald Trump.