Deri në mbajtjen e zgjedhjeve të përgjithshme të 8 majit, Maqedonia e Veriut do të drejtohet nga qeveria teknike me në krye Talat Xhaferin, i cili bëhet kështu kryeministri i parë shqiptar në vendin fqinj. Qeveria e përkohshme u miratua një ditë më parë në parlament me 65 vota “pro” dhe tre “kundër”. Partia më e madhe opozitare, VMRO-DPMNE ishte në sallë, por abstenoi nga votimi, e po kështu munguan edhe opozitarët shqiptare nga Lidhja Europiane për Ndryshim. Sot, sic ishte planifikuar, Xhaferri mori detyrën si kryeministër, e dorëzuar nga ish-kryeministri Dimitar Kovaçevski. Qeveria në bashkëpunim me Kuvendin, OSBE-ODIHR, Bashkimin Europian dhe Shtetet e Bashkuara do të zbatojë të gjitha parakushtet duke mundësuar që zgjedhjet të zhvillohen me ligjshmëri të plotë, legjitimitet dhe pranim konsensual të vullnetit të qytetarëve. Nuk ka alternativë tjetër për vendin tonë përveç integrimit evropian. Mbetet në fokus të qeverisë anëtarësimi në BE deri në vitin 2030. Prioritet kësaj qeverie do të jenë edhe reformat ekonomike në vend, sundimin e ligjit dhe rritja e standardit jetësor në vend.