Gjatë 24 orëve të fundit janë evidentuar 52 vatra zjarri, ndër të cilat 2 janë ende aktive, ndërsa 4 janë ende në monitorim. ndërkohë 46 të tjerat janë shuar falë dhe kushteve atmosferike ku në disa nga zonat ka pasur reshje shiu. problem mbetet zona perëndimore e tunelit të Skërficës, në bashkinë Gjirokastër, ku ndërhyrja nuk mundëson futjen e trupave, për shkak të terrenit të thepisur dhe bimësisë shumë të dendur. Vatra e zjarrit po monitorohet nga ekipet e emergjencave. problem mbetet dhe zjarri në fshatin Spatharë, në bashkinë e Skraparit, ku flakët kanë përfshirë një sipërfaqe kullote. Në vendngjarje ndodhen forca nga të gjitha strukturat operacionale, që po punojnë për vënien nën kontroll të vatrës. Në monitorim, me qëllim shmangien e riaktivizimit janë vatrat në: Në Parkun Kombëtar të Prespës, në Pustec, Në fshatin Dishnicë, në Korçë, ajo e fshatit Strelcë, në Maliq dhe ajo e fshatit Veliq, në Tropojë. Në operacionet për shuarjen e zjarreve u angazhuan: 52 automjete zjarrfikëse, 722 forca operacionale si dhe 2 helikopterë nga Forcat e Armatosura, që operuan në dy zona.