Jetë të humbura në lule të rinisë, makina të shformuara dhe plagë sociale që ndoshta nuk shërohen kurrë. Kjo është panorama e shumë aksidenteve tragjike të ndodhura javët e fundit në vendin tonë. Një shëtitje mbrëmjeve, një nxitim për në punë apo një vizitë tek të afërmit u ndërpre nga një aksident fatal. Referuar statistikave të policisë së shtetit 138 persona kanë humbur jetën si pasojë e aksidenteve rrugore deri këtë fund gushti. Krahasuar me një vit më parë megjithëse kemi rreth 120 aksidente më pak, numri I viktimave dhe të plagosurve është rritur duke e bërë edhe më të rëndë panoramën e aksidenteve rrugore në vendin tonë. Nga janari deri në Gusht një vit më parë janë shënuar 1.086 aksidente, me 100 viktima dhe 131 te plagosur rende. Ndërsa këtë vit numri I aksidenteve është 961 si pasojë e të cilëve janë shënuar 138 viktima dhe 149 te plagosur rënde. Ndër arsyet kryesorte për aksidentet e rënda janë shpejtësia tej normave të lejuara, parakalimi I gabuar dhe përdorimi I celularit apo alkoolit në drejtimin e mjetit.