Fotoja është kaq e qartë, sa duket vërtet sikur hyu është ngritur nga fundi i detit për t`iu shfaqur njerëzve me të gjithë madhështinë e tij. Mes dallgëve të krijuara prej stuhisë së Newhaven të Britanisë së Madhe, është pare portreri i perëndisë romake të ujit, Neptunit, thotë BBC. Ka qenë fotografi i gjigandit mediatik anglez Jeff Overs ai që ka arritur të shkrepë foton e magjishme, pikërisht në momentin kur valët u përplasën me forcë në murin e portit. Over thotë se artistët shkojnë shpeh në këtë vend për të gjetur frymëzim. “Deti aty duket sikur zjen mes fuqisë së erët dhe murit të palëkundur”, u shpreh fotografi që theksoi se mbi këtë imazh të rrallë nuk është përdorur asnjë aplikacion editimi. Edhe dallga më e vogël që shihet në foto, sipas tij, i ngjason një dore. Overs sqaroi se fotoja është marrë në kohën kur erërat në zonë mbërrinin shpejtësinë 80km në orë, në kushtet e një batice .