SHBA vendosën sanksione të reja për qindra firma dhe persona të lidhur me programet e Rusisë të zhvillimit të armëve, raportojnë mediat e huaja. Sanksionet e vendosura nga Departamenti i Thesarit dhe Departamenti i Shtetit synojnë bazën e industrisë ushtarake të Rusisë, programet e armëve kimike si dhe njerëzit e firmat e shteteve të treta që e ndihmojnë Rusinë të marrë komponentë armësh, ndërsa pushtimi rus i Ukrainës ka hyrë në vitin e tretë. Sekretarja e Thesarit, Janet Yellen, ka thënë se ky veprim “do të godasë aftësitë luftarake të Rusisë”. Sanksionet u vendosën në një kohë që Senati ka dhënë një aprovim përfundimtar të një legjislacioni që ndalon importin e uraniumit rus. Mediat raportojnë gjithashtu se një grup prej 16 objektivash në Kinë dhe Hong Kong, shumica e të cilave akuzohen se kanë ndihmuar Rusinë t’iu shmanget kufizimeve tregtare, janë përfshirë në listën e sanksioneve. Pamjet: AFP