Shtetet e bashkuara të Amerikës po shqyrtojnë mundësinë e vendosjes së sanksioneve të tjera shtesë kundër Rusisë, pas vdekjes së mistershme të liderit të opozitës ruse, Alexei Navalny që mbahej në një burg të largët të Artikut. “Ne tashmë kemi sanksione, por po shqyrtojmë sanksione shtesë”, tha presidenti amerikan Joe Biden për gazetarët në Uashington ndërsa fajësoi edhe nëjehrë për ngjarjen kreun e kremlinit, Vladimir Putin. Të njëjtin qëndrim mbajti dhe shefi I politikës së jashtme të Bashkimit Europian, Josep Borrell. Por akuzat u hodhën poshtë nga Moska që I cilësoi të pabaza. Ndërkohë Yulia Navalnaya deklaroi se do të vazhdojë luftën e bashkëshortit të saj të ndjerë për një Rusi të lirë. Ajo kërkoi të ngrejë peshë rusët duke i bërë thirrje mbështetësve që ta sfidojnë Vladimir Putin me një fuqi më të madhe se kurrë. Pamjet: AFP