Amerika nuk gjen qetësi. Katër ditë nga atentati ndaj Trump, oficerët e policisë në Milluoki të SHBA qëlluan dhe vranë një burrë pranë vendit ku u mbajt konventa kombëtare republikane të martën. Lajmin e konfirmuan autoritetet dhe mediat lokale. Burri që u vra ishte i njohur në lagje dhe mbante një thikë në dorë. Ai ishte jashtë perimetrit të sigurisë, por po i afrohej turmës, thanë disa dëshmitarë. Forcat e rendit kanë bllokuar disa rrugë të zonës ku ndodhi ngjarja. Asnjë oficer nuk u lëndua, ndërsa rreth 4,000 oficerë të sigurisë nga shtete dhe qytete të tjera janë në Uiskons për konventën. Marrëveshjet e sigurisë për konventën janë nën vëmendje që nga e shtuna, kur ish-presidentit Donald Trump, kandidati republikan për president, iu bë një atentat në një tubim në Pensilvani. Por ky nuk është i vetmi lajm shqetësues i orëve të fundit. Mediat raportojnë se Irani po përgatitet të vrasë Donald Trump. Shërbimi Sekret Amerikan ka shtuar masat e sigurisë rreth kandidatit republikan, pasi mori informacione për një komplot iranian për të ekzekutuar ish-presidentin. Lajmin e publikoi Pamjet: AFP