Shtetet e Bashkuara të Amerikës kanë vendosur të bëjnë stërvitjet e tyre në Poloni, teksa Rusia ka intensidikuar sulmet në Ukrainën Lindore. Radio Europa e Lirë raporton se zyrtarët e komandës amerikane në Evropën Lindore thonë se është urgjentisht e nevojshme që NATO-ja të jetë e gatshme për një konfrontim të mundshëm. Në kuadër të misionit në Evropën Lindore, ushtria amerikane ka vendosur dhjetë mijë trupa në Poloni, vija e parë e frontit të NATO-s. Ushtria amerikane po punon ngushtë me aleatët e NATO-s për të frenuar armikun. Gjenerali amerikan, i cili kohët e fundit mori drejtimin e Korpusit të Pestë, deklaroi se Rusia përbën një kërcënim afatshkurtër për NATO-n. Gjenerali thekson nevojën urgjente që NATO-ja të jetë e gatshme, teksa shton se është e rëndësishme vendosja e trupave amerikane në Poloni, pasi konsiderohet një mjet frenimi. Pamjet: AFP