Për SHBA, tashmë është koha që Kosova të themelojë Asociacionin e komunave me shumicë serbe, duke hequr kështu atë që prej perëndimit perceptohet si pengesa e fundit drejt arritjes së marrëveshjes me Serbinë. Përmes një shkrimi të përbashkët, Këshilltari i Departamentit Amerikan të Shtetit, Derek Chollet dhe i dërguar i SHBA-së për Ballkanin Perëndimor, Gabriel Escobar tregojnë se ky është një hap i domosdoshëm, por në të njëjtën kohë, ata përpiqen të davarisin shqetësimin e Prishtinës zyrtare, duke garantuar se Asociacioni nuk do të jetë shtojcë e re e pushtetit ekzekutiv e legjislativ në Kosovë. Kjo është një mundësi histoprike të cilën ne besojme se të dyja palët duhet ta shfrytëzojnë, thuhet në tekst, ku sqarohet se ky mekanizëm nuk e cenon Kushtetutën, sovranitetin, pavarësinë ose institucionet demokratike të saj.