Shba I ka bërë thirrje Serbisë që të të tërheq trupat ushtarake nga kufiri me Kosovën. Koordinatori për komunikime strategjike në Këshillin e Sigurisë Kombëtare, John Kirby shprehu shqetësimin e Uashingtonit, të premten, lidhur me këtë situatë. “Ne do të monitorojmë dislokimin e madh serb përgjatë kufirit me Kosovën. Ne i bëjmë thirrje Serbisë të tërheqë forcat nga kufiri dhe të vazhdojë të ulë tensionet”, tha Kirby gjatë një bisede me gazetarë raporton radio Europa e lirë. Ai nuk dha një përgjigje konkrete nëse Serbia po planifikon ndonjë pushtim ushtarak por pohoi se SHBA po vëzhgon me kujdes të gjitha veprimet pasi numri I madh I ushtarëve është një faktor destabilizues. Zyrtari I lartë amerikan theksoi më tej se sulmi në Banjskë ishte I organizuar dhe I sofistikuar dhe nuk ishte diçka rastësore pasi dhe arëmt që u gjetën nga policia e Kosovës ishin të një niveli të lartë ushtarak. Lidhur me këto zhvillime, John Kirbi tha se vetë sekretari amerikan I shtetit, Antony Blinken zhvilloi një bisedë telefonike me Vuçiç. Telefonatë që e konfimroi edhe vetë presidenti serb I cili pohoi se kryediplomati amerikan e paralajmëroi me sanksione nëse nuk ndërmerr hapa për shtensionimin e situatës në veri. Në sulmin e armatosur më 24 shtator ku mbeti I vrarë rreshteri Afrim Bunjaku morën pjesë rreth 30 persona të armatosur, tre prej të cilëve u vranë gjatë shkëmbimit të zjarrit me policinë. Kosova e cilësoi sulmin si terrorist dhe kërkoi një hetim ndërkombëtar për Serbinë, lidhur me rolin e saj në këtë sulm. Por beogradi zyrtar mohoi çdo përfshirje edhe pse po strehon Milan Radoiçiç, I cili ishte dhe organizatori i kësaj ngjarjeje. Pamjet: AFP