Specialistët për Hetimin e Krimeve Ekonomike dhe Financiare në policinë e Elbasanit në bashkëpunim me prokurorinë kanë zhvilluar një aksion për për evidentimin dhe goditjen e veprimtarive të paligjshme në fushën e krimeve ekonomike dhe financiare të pikave të këmbimit valutor që zhvillojnë aktivitetin e tyre në këtë qytet. Në kuadër të operacionit policor të koduar “The Script” janë proceduar penalisht administratorët e 8 subjekteve të cilët dyshohet se nuk deklaronin të ardhurat. Në sajë të këtij operacioni policia sekuestroi rreth 54 000 000 lekë në valuta të ndryshme dhe 1 armë sportive pistoletë me fishekë manovër. Materialet i janë referuar prokurorisë së Elbasanit e cila në bashkëpunim me specialistë tatimorë do të hetojë mbi raste të mundshme të fshehjes së të ardhurave nga ana e këtyre bizneseve.