Top Channel/ Seanca për eliminimin e Liridonës! Bashkëshorti i dyshuar për krimin: I pafajshëm!
04/06/2025 20:05

Në Gjykatën Themelore të Prishtinës ka nisur seanca e shqyrtimit gjyqësor të rastit së vrasjes së Liridona Ademajt, 30-vjeçares së vrarë në nëntor të vitit 2023. Në seancë janë të pranishëm tre të akuzuarit – Naim Murseli, Granit Plava dhe Kushtim Kokalla – familjarët e viktimës dhe avokati i familjes Ademaj, Leotrim Syla. Sërish, Murseli është deklaruar i pafajshëm dhe Plava s’ka pranuar të deklarohet për fajësinë duke thënë se dëshirohet të mbrohet në heshtje. Këtë herë, Kokalla – që në seancën fillestare, të mbajtur më 31 janar, kishte thënë se s’do të deklarohet pa u konsultuar me mbrojtjen – u deklarua i pafajshëm. Prokurorja e rastit, Javorka Përlinçeviç, tha se Prokuroria posedon numër të madh të provave për akuzat e ngritura, si dhe deklaratat e të akuzuarve të dhëna për Policinë e Kosovës. “Gjatë krahasimit të deklaratave dhe provave të mbledhura, Prokuroria është bindur dhe po tentojmë ta bindim trupin gjykues dhe publikun se të akuzuarit kanë kryer veprën penale”, tha Përlinçeviç. Seanca për nisjen e shqyrtimit gjyqësor të këtij rasti ishte caktuar pasi Gjykata Themelore në Prishtinë kishte konfirmuar më 26 mars aktakuzën për vrasjen e Liridona Ademajt. Në aktakuzën e ngritur më 15 janar, ata akuzohen për vrasjen e 30-vjeçares së vrarë më 29 nëntor të vitit 2023, në një rrugë në fshatin Bërnicë të Prishtinës. Gjatë seancës fillestare, fajtor ishte deklaruar i përfshiri i katërt në aktakuzën për vrasjen e Ademajt, Tom Dodaj. Ai ishte përfshirë në aktakuzë, pasi ia ka shitur armën Murselit, me të cilën ishte kryer vrasja e Liridona Ademajt. Dodaj u dënua me pesë vjet burgim dhe 5 mijë euro gjobë. Në seancën fillestare, gjyqtarja e rastit, Fatime Dermaku, kishte thënë se, nëse gjenden fajtorë, Murseli, Plava dhe Kokalla mund të dënohen nga 10 vjet e deri me burgim të përjetshëm. Si ishte kryer vrasja? Prokurorja e rastit, Javorka Përlinçeviç, tha se Murseli kishte bërë plan për ta vrarë Liridonën nga mllefi dhe në shenjë hakmarrjeje, pasi çifti kishte pasur “raporte të çrregulluara familjare dhe martesore”. Prokuroria tha se më 25 qershor 2022, është paguar polica e sigurimit jetësor për Liridonën në vlerë prej 3.000.000 krunash suedeze (261,031 euro) me qëllim që pas vdekjes së saj, Murseli ta përfitonte këtë sigurim. Prokuroria tha se Murseli ia ka shpalosur planin e tij të akuzuarit Kokalla, për vrasjen e bashkëshortes dhe ka kërkuar nga ai që të gjejë mënyra për ta realizuar atë. Ai, sipas Prokurorisë, nuk kishte pranuar të kryente vrasjen, dhe e kishte njoftuar Murselin me Granit Plavën. Prokuroria tha se të tre më pas janë pajtuar që Plava ta vriste Liridonën dhe Murseli do ta kompensonte atë me 30.000 euro. Ndërkaq, në këtë rast Dodaj thuhet se u përfshi pasi në ditën e vrasjes. Sipas aktakuzës, Murseli kishte blerë nga ai një pistoletë, e firmës Zastava dhe 20 fishekë, në vlerë prej 280 eurosh. Me këtë armë, tha Prokuroria, ishte vrarë Liridona Ademaj. “….Naimi, në mënyrë dinake, me dorën e tij të djathtë e ka mbajtur Liridonën për krahun e dorës së saj të majtë, me qëllim që ajo mos t’i shmanget plumbit, pas çka, Naimi me fëmijët kanë dalë nga vetura dhe është larguar nga vendi i ngjarjes”, tha Prokuroria. Reagimet në publik pas vrasjes së Liridona Ademajt Vrasja e Liridona Ademajt kishte shkaktuar zemërim në publik edhe për faktin që bashkëshorti i saj kishte qenë pjesë e ceremonisë së varrimit. Familja e Liridonës kishte kërkuar zhvarrosjen e trupit të saj, në mënyrë që ajo të varrosej vranë varrezave të prindërve të saj, ndërkaq aktivistët për të drejtat e grave kanë kërkuar që Liridona të mos identifikohej më me mbiemrin e bashkëshortit, por me atë të familjes së saj, Ademaj. Sipas të dhënave, që nga viti 2010 e deri më tani, në Kosovë janë vrarë afër 60 gra. Në të shumtën e rasteve, dorasit kanë qenë bashkëshortët. Sipas organizatave që merren me të drejtat e grave, mesazhe “trimëruese” dorasëve është duke u dërguar sistemi i drejtësisë në Kosovë me, siç thuhet, “dënimet e lehta”./REL

Top Channel/ Negociatat, Kosova akuza Serbisë/ Bislimi kritikon Petkoviçin për gënjeshtra
12/06 23:24
Top News- Mbështetja e Malit të Zi ndaj Kosovës/ Shqetësohet Serbia: Përmbahuni nga deklaratat
12/06 22:48
Top News- Begaj uron Kosovën për çlirimin: Shqipëria do të jetë gjithnjë në krah
12/06 17:26
Top Channel/ Kosova, 26 vite clirim: Politika “zbarkon” në varrezat e familjes Jashari!
12/06 15:54
Top News- Kurti rregullon marrëdhëniet me SHBA/ Emigrantët, DASH- Mirënjohje partneres sonë
12/06 12:18
Top News – Kosova feston çlirimin. 26 vite nga ndërhyrja ushtarake e NATO-s
12/06 12:06
Top News-Kosova ndalon delet e dhitë shqiptare. Bllokada pas virusit e mortajës së gjedhëve
11/06 19:07
Top News-‘Banjska’, dëshmon polici tjetër/ Kryeziu:Sulmi terrorist ka qenë ushtarak dhe i organizuar
11/06 17:39
Top Channel/ Kosovarja mes të vrarëve në Austri, shpallet ditë zije në Viti!
11/06 16:01
Top Channel/ Qendra kthimi: Kosova, gati të stregojë emigrantët e dëbuar nga SHBA!
11/06 15:55
Top News- Kosova hap dyert për emigrantët që do dëbohen nga SHBA, jep dritën jeshile
11/06 15:18
Top News- S’ka fund kriza politike në Kosovë/ Dështon dhe seanca e 30-të, s’ka konsensus
11/06 15:15
Top Channel/ Banjska, Serbia në kundërsulm! Gati akuzën për ish-policin Arbnor Spahiu
10/06 19:55
Top News- Thirrje për protestë në Kosovë / Biznesi, kundër liberalizimit të tregut të energjisë
10/06 17:15
Top Channel/ Lidhja e Prizrenit “bashkon” Kosovën e Shqipërinë, Begaj: Dy shtete të një kombi!
10/06 15:32
Top News- Ndërron jetë Bujar Bukoshi/ Ish-kryeministër i Qeverisë së Kosovës në ekzil
10/06 11:38
Top Channel/ Serbia nuk e lëshon ish-policin/ Një muaj paraburgim Arbnor Spahiut nga Kosova
09/06 23:00
Top News- ‘E kishim të pamundur ta ndihmonim’/ Dëshmojnë kolegët e Bunjakut për terrorin në Banjskë
09/06 22:42
Top Channel/ Gjyqi për Banjskën, dëshmojnë policët e njësisë ku u vra Afrim Bunjaku
09/06 19:56
Top Channel/ Kosova në zgjedhje më 12 tetor, Vjosa Osmani cakton datën e votimeve
09/06 19:54