Ish-presidenti francez, Nicolas Sarkozy, e humbi apelin kundër dënimit të tij me burg për korrupsion. Pavarësisht kësaj megjithatë, Gjykata e Apelit në Paris vendosi që ai të qëndrojë në arrest shtëpië me një byzylyk elektronik në këmbë në vend që ta vuajë dënimin në qeli. Avokatja e tij mbrojtëse u shpreh se nuk do të dorëzohen, por do ta cojnë cështjen në Gjykatën e Kasacionit, një ndër më të lartat në vend. “Nicolas Sarkozy është i pafajshëm”, tha Jacqueline Laffont. “Ne do t`i shkojmë kësaj rruge deri në fund”, shtoi ajo. Sarkozy u dënua në 2021-shin me tre vite heqje lirie për shkak të përpjekjeve për të ndikuar tek një gjyqtar. Ndëshkimi i tij erdhi me argumentin se kishte tentuar të siguronte informacione mbi një cështje të 2014-tës, duke i lënë gjykatësit të kuptonte se do t`i ofrohej një pozitë prestigjoze. Ky ishte një nga disa raste korrupsioni ku Sarkozy konsiderohet të jetë përfshirë, ndonëse ai vetë mohon cdo akuzë. Nicolas Sarkozy shërbeu për një mandat pesëvjeçar në krye të shtetit nga viti 2007 deri në 2012-tën. Ai miratoi disa politika të ashpra kundër emigracionit dhe tentoi të reformonte ekonominë e Francës. Por, në atë periudhë, e gjithë bota është përballur me krizë financiare. Ai është ish-presidenti i parë francez i dënuar me burg.