Nga Durrësi, ish-deputeti Ervin Salianji dhe ish-kandidati për deputet Ilir Alimehmeti kanë nisur takimet me bazën e partisë demokratike duke kërkuar ringritjen dhe rizgjimin e saj përmes ndryshimeve thelbësore. Demokratët e Durrësit kanë qenë të shumtë në numër gjatë këtij takimi të parë të lëvizjes së re brenda Partisë Demokratike. Ky takim pati një interes të lartë, pavarësisht thirrjes së kreut të PD-së Sali Berisha dhe drejtuesve të dy degëve të PD-së në qytet për të mos e konsideruar këtë takim, përveçse nje takim kafesh. Drejtuesit vendorë përmes kryetarëve të grupseksioneve,u kanë kërkuar anëtarëve të mos marrin pjesë në këtë aktivitet. Sërish, salla u mbush plot dhe dhjetëra demokratë qëndruan edhe jashtë saj, duke treguar se debati për ringritjen e PD-së mbetet i gjallë dhe përfshirës dhe po rrit shpresën për një oppzitë të fortë.