Top Channel/ Rutte viziton Kosovën, takim me Osmanin dhe Kurtin më 11 mars
07/03/2025 19:43

Sekretari i Përgjithshëm i NATO-s, Mark Rutte, pritet ta vizitojë Kosovën më 11 mars për herë të parë që kur e mori këtë post. Këtë e ka mësuar Radio Evropa e Lirë nga burimet diplomatike. Një ditë më herët shefi i NATO-s do ta vizitojë Bosnjë dhe Hercegovinën. Ndërkaq, gjatë vizitës në Kosovë pritet që Rutte të jetë i shoqëruar edhe nga ambasadorët e vendeve anëtare të NATO-s që janë anëtarë të Këshillit të Atlantikut të Veriut. NATO-ja ende nuk e ka paralajmëruar zyrtarisht një vizitë të tillë. Vetë Rutte kishte paralajmëruar se do ta vizitonte Kosovën gjatë muajit mars në një debat që kishte pasur më herët në Bratisllavë të Sllovakisë. Rutte të hënën ka pasur edhe një bisedë telefonike me presidentin e Serbisë, Aleksandar Vuçiç. Sekretari i Përgjithshëm i NATO-s, Mark Rutte, para disa ditësh kishte thënë se stabiliteti në Kosovë, në Bosnjë dhe Hercegovinë dhe në Serbi, është në interes të të gjithëve dhe se ai nuk sheh arsye të besojë se mund të ketë ndonjë ndryshim dramatik sa i përket përkushtimit amerikan në NATO. Ai këtë e kishte thënë gjatë qëndrimit në Bratisllavë të Sllovakisë kur u pyet në një debat nga studentët se a sheh mundësi për rifillim të konfliktit në Kosovë pasi ka zëra se politika e re amerikane mund të çojë deri te largimi ushtarak. “Më lejoni të jem krejtësisht i qartë. Nga krejt ajo çka unë po kuptoj nga sistemi amerikan, është se ata janë plotësisht të përkushtuar ndaj NATO-s dhe angazhimeve aktuale. Por, le të shohim se çfarë do të ndodhë. Ne gjithmonë mund të kemi ndryshime të politikave ose adaptime të vogla që mund të ndodhin. Sllovakët, holandezët dhe të tjerët po e bëjnë këtë. Por, nuk kam arsye të besoj se do të ketë vendime dramatike. Dhe, në përgjithësi, në Ballkanin Perëndimor, duhet të jemi të sigurt që, ne e mbajmë në fokus këtë rajon, sepse stabiliteti në Kosovë, stabiliteti në Bosnje dhe stabiliteti në Serbi është në të interesin e të gjithë neve”, ishte përgjigjur ai. Edhe Rutte pas zgjedhjeve në Kosovë kishte bërë ftesë që të vazhdojë procesi demokratik, pjesë e të cilit është edhe formimi i koalicioneve. Delegacioni i NATO-s i kryesuar nga sekretari i Përgjithshëm, Rutte, do të vizitojnë edhe misionin e KFOR-it, i cili udhëhiqet nga NATO-ja. Në këtë mision aktualisht janë rreth 4700 ushtarë. Prej tyre kontingjentin më të madh e ka Italia me 1250 pjesëtarë, pasi e ka edhe komandën, ndërsa Shtetet e Bashkuara të Amerikës kanë rreth 600 pjesëtarë në këtë mision. Kjo vizitë e shefit të NATO-s pritet të bëhet në kohën e raporteve të tensionuara mes Evropës dhe SHBA-së, pas hapave të ndërmarrë nga administrata amerikane me Rusinë për t’i dhënë fund luftës në Ukrainë. Shtetet e Bashkuara bënë trysni mbi presidentit ukrainas, Volodymyr Zelensky, për t’u pajtuar me thirrjen e Uashingtonit për një marrëveshje që do t’u jepte fund luftimeve në Ukrainë, ndërkohë që udhëheqësit evropianë kërkuan një rol më të fortë në këtë qëllim. Trump tha se durimi i tij është drejt fundit dhe kritikoi rezistencën e Zelenskyt ndaj perspektivës së një armëpushimi të shpejtë, pa garanci konkrete të sigurisë, që Kievi i kërkon nga Shtetet e Bashkuara. Kryeministri britanik, Keir Starmer, dhe presidenti francez, Emmanuel Macron, kanë thënë se janë të gatshëm që të dislokojnë trupa në Ukrainë për të ndihmuar në ruajtjen e paqes, në rast se nënshkruhet një marrëveshje për t’i dhënë fund luftës që nisi më 2022.

Top Channel/Kosova në pritje të qeverisë së re/Kuvendi duhet në fillim që të zgjedhë një nënkryetar
28/08 15:26
Top News- Artikulli kundër UÇK / Dimal Basha distancohet- Nuk e kam shkruar unë
28/08 13:24
Top News – Kuvendi i Kosovës, ‘telashe’ të reja në horizont
28/08 12:51
Top Channel/ Kosova në prag të qeverisë së re, duhet të zgjidhet nënkryetari nga pakica serbe
28/08 12:25
Top Channel/ “ UÇK-ja, fonde nga trafiku i drogës”: Plasin reagimet, Dimal Basha sqaron raportin!
28/08 11:56
Top Channel/ “Tension” te Vetëvendosja! Dorëhiqet ministri 1 ditë pas zgjedhjes së kryeparlamentarit
27/08 20:02
Top News- Gjuhë agresive e sulme ndaj kundërshtarëve / A bëri autogol Albin Kurti me Dimal Bashën
27/08 15:38
Top Channel/ LVV nuk tërhiqet: Certifikimin e Listës Serbe e con në Gjykatën Supreme!
27/08 14:37
Top News- Ngërçi, pjesa e dytë… / Bllokada në Kuvendin e Kosovës hyn në një fazë të re
27/08 13:30
Top News- Pakënaqësi në radhët e Vetëvendosjes/ Liburn Aliu dorëhiqet nga posti i ministrit
27/08 12:35
Top Channel/ Vuçiç kërkon dialog me Kosovën, por vë dy kushte
26/08 22:17
Top News- ‘Të përmbyllet sa më parë konstituimi’/ Osmani reagon pas ngërçit të ri me serbët
26/08 21:01
Top Channel/ S’ka paqe në Kosovë, ngërç për nënkryetarët, refuzohet emri i Listës Serbe
26/08 19:16
Top News- Bingooo…në Kuvendin e Kosovës / Kryetari zgjidhet pas 6 muajsh dhe 58 përpjekjesh
26/08 16:28
Top Channel/ Zgjedhja e nënkryetarëve. Kuvendi i Kosovës diskutime për të plotësuar institucionet
26/08 15:45
Top Channel/ Hapet ura e re në Mitrovicë. Lidh Jugun me Veriun. Nis qarkullimi i mjeteve
26/08 15:39
Top Channel/Reagimet nga Presidenti Begaj dhe kreu i Kuvendit Spiropali për zgjedhjen e Dimal Bashës
26/08 15:07
Top Channel/ Nga zyra e Eliot Engel, tek Gjykata Federale e SHBA-së, kush është Dimal Basha!
26/08 15:05
Top News- Thaçi ‘në luftë’ me Gjykatën Speciale/ Kërkon nga apeli rrëzimin e një aktakuze
25/08 18:18
Top News- Prej gjashtë muajsh pa Kuvend/ Osmani thirrje partive të vendosin interesin e vendit para
25/08 14:04