Rusia ka vazhduar sulmet ajrore ndaj Ukrainës gjatë natës, vetëm pak orë pasi presidenti ukrainas Volodymyr Zelensky ka thënë se ka pasur telefonatë “shumë konstruktive” me ekipin negociator të presidentit amerikan Donald Trump, pas tre ditësh bisedimesh në Florida. Autoritetet në Kiev njoftuan se ka pasur sulme masive deri në ukrainën qëndrore, por nuk raportohet për viktima. Edhe Rusia konfirmoi se ka rrëzuar 77 dronë ukrainas në disa zona pranë aeroporteve. Të shtunën, Zelensky u shpreh se është “i vendosur” të vazhdojë bashkëpunimin me SHBA-në, pasi foli me të dërguarin e Trumpit, Steve Witkoff, dhe dhëndrin e presidentit amerikan, Jared Kushner, në përfundim të negociatave.