Dhjetra mijëra qytetarë rusë dhe bjellorusë qw jetojnë në Ukrainë, dënojnë sulmin ushtarak tw Moskës. Për disa prej tyre tashmë ka masa administrative që i detyrojnë të largohen nga Ukraina "Unë nuk mund të kthehem në Rusi", thotë njw qytetar rus Andrei Sidorkin, i cili ka jetuar në Ukrainë prej 17 vjetësh. Ndërsa refugjatja politike nga Bjellorusia Karyna Patsiomkina, thotë se qytetarët si ajo tashmw janë pa një shtet, pasi askush nuk i do. Karina mendonte se kishte shpëtuar kur erdhi në Ukrainë dhe u vendos në një apartament në veri të Kievit. Por vetëm dy muaj pasi 31-vjeçarja erdhi nga Bjellorusia prej kërcënimit të arrestimit në Minsk, Moska sulmoi vendin e saj të ri ukrainwn. Ajo shton se janë mijëra rusë e bjellorusë që jetojnë në Ukrainë, tashmë të përfshirë nga frika se mund tw vriten nga sulmet e moskws. “Shumë prej tyre kanë punuar në ndihmë të Ukrainës por tani disa prej tyre po i detyrojnë të kthehen në rusi dhe bjellorusi”, ankohet ajo. Dy muaj më parë pas ndërprerjes së ujit dhe energjisë elektrike, ajo me shoqen e shtëpisë u vendosën në qytetin perëndimor të Lviv.