Edhe pse i përshkroi si shumë productive takimet që zyrtarë të lartë amerikanë dhe ukrainas zhvilluan në Florida, Sekretari amerikan i Shtetit, Marco Rubio sërish e pohoi se nevojitet punë shtesë për të finalizuar një plan për përfundim të luftës së Rusisë në Ukrainë. “Kemi pasur një tjetër takim shumë produktiv, nisur nga bisedimet në Gjenevë, më pas takime tjera të javës, por duhet bërë më shumë punë”, u ka thënë Rubio gazetarëve më 30 nëntor, pas takimit, por pa ofruar më shumë hollësi. “Ka shumë gjëra që po ndryshojnë, dhe natyrisht që është edhe një palë tjetër e përfshirë këtu që duhet të jetë pjesë e ekuacionit”, ka thënë ai, duke iu referuar Moskës. Rubio kujtoi sodoqftë se përpjekjet do të vazhdojnë këtë kavë kur drejt kryeqytetit rus udhëton i dërguari i posaçëm i Shtëpisë së Bardhë, Steve Ëitkoff . “Ne kemi qenë në kontakt me nivele të ndryshme brenda anës ruse, por duket se i kuptojmë mirë edhe qëndrimet e tyre”, deklaroi Rubio. Vetë presidenti Trump tha të dielën se ekziston një "shans të mirë" për një marrëveshje për t'i dhënë fund kontliktit. Por Ukraina tani ka disa probleme të vogla të vështira", shtoi ai përpara gazetarëve në bordin e Air Force One, duke iu referuar një hetimi për korrupsion që së fundmi e detyroi Presidentin Volodymyr Zelenskyy të shkarkonte shefin e tij të stafit, njeherazi kryenegociatori kryesor në bisedime.